أحمد المرغني يتحدث عن كارثة في قطاع الناشئين

0 584

يخرج لاعب الزمالك السابق و مدرب مساعد فريق ناشئين الزمالك ٢٠٠٦ عن صمته ويتحدث عن كوارث في قطاع الناشئين وبيع اللاعبين المميزين بالقطاع دون الاستفادة منهم .

وقال المرغيني في تدوينة طويلة له علي موقع التواصل تويتر :

‏حصل حاجة غريبة جداً من كام يوم في نادي الزمالك بصراحة مش عارف اسكت عليها
انا السنة اللي فاتت كنت مدرب مساعد في فرقة ٢٠٠٦
و الفرقة دي ما شاء الله فيها اكتر من لاعب مميز لو تم الاهتمام بيهم هيبقوا من اهم اللاعبين في النادي في القريب ان شاء الله.

‏الا انه تم بيع ناشئ منهم و اسمه عمر خضر و كان بيلبس رقم ١٠ لو حد كان شاف ملخص ليهم السنه اللي فاتت في ماتش النادي الاهلي تم بيعه لنادي زد.


الغريب انه من اهم لاعبين فرقته و القطاع و كل الناس و اللي بيشوفه بلا استثناء بيقول عليه كدة مش انا بس.

‏فلنفترض انا بقول اي كلام مثلاً طيب ما حد يفكر ليه نادي هيجي يشتري لاعب ناشئ ب ٣ او ٤ مليون مثلاً الا اذا كان مميز و مميز جداً و عارفين هيكسبوا من وراه ازاي و بيستثمروا فيه و طبعاً ده ذكاء منهم
و جابوله شقة و عملوله عقد طيب كل ده ليه ؟؟!

‏و في ناس من النادي المنافس ليك بيحاولوا معاه كمان الا ان والد الاعب و نادي زد رفضوا
طيب ليه نادي هيعمل كل ده مع لاعب الا اذا كان مميز خصوصاً ان سنه لسه ١٧ سنة كل ده و انت بتبيعه ميخلكش تفكر ثانية ان انت كنادي تستثمر فيه سواء في الفريق الاول او عن طريق تسويقه خارجياً ؟!!

اترك تعليق

يرجي التسجيل لترك تعليقك

شكرا للتعليق