رضا عبدالعال: الزمالك يتعرض لمؤامرة من هؤلاء
أكد الكابتن رضا عبدالعال، نجم الأهلي والزمالك منتخب مصر السابق، أن نادي الزمالك يتعرض لمؤامرة ولكن المؤامرة من أولاد النادي على الكرسي، مضيفا: “مصر لم تستفد مني وأنا بتكلم صح والناس بتحب تتفرج عليا عشان بقول الصح، ومصر لسة مستفدتش مني في التدريب ولا الكلام اللى بقوله وبحمد ربنا على أي حاجة”.
ورد رضا عبدالعال، خلال حواره ببرنامج “حبر سري” مع الإعلامية أسما إبراهيم، على قناة القاهرة والناس، على رأيه في أفضل اللاعبين موهبة بين شيكابالا وقفشة وحازم إمام، قائلا: “حازم إمام هو أعلى مهاريا ويفرق عنهم لأنه كان بيلعب برجله الاثنين ولكن شيكابالا وقفشة بيلعبوا برجل واحدة”.
وعن رأيه في المهرجانات قال: “المهرجانات حاجة مش وحشة وجديدة وموضة وماشيه مع الأفراح وهاني شاكر تحامل عليه شوية والمفروض كان يجيبهم النقابة وينبههم وينذرهم مش طرد علطول، وفي ناس كتير فاتحة بيوت ناس من فرق المهرجانات ويا ريت هاني شاكر يعيد قراره ويحط معايير جديدة”.
