تحدث هيثم عرابي مدير التعاقدات السابق في النادي الأهلي ومدير التعاقدات الموسم الماصي في نادي أسوان بشكل حاسم على ما تردد في الساعات الماضية حول اختفاء عقد بيع إمام عاشور من نادي الزمالك لنادي ميتلاند الدنماركي من داخل القلعة البيضاء.
وكتب هيثم عرابي اليوم الأربعاء عبر حسابه الشخصي على موقع «إكس» أو تويتر سابقًا: «مساء الخير يا شباب.. لو فعلًا تم اختفاء عقد بيع إمام عاشور لميتلاند من الزمالك وإن الفلوس لم تدخل خزينة النادي زي ما بيتقال، فاللجنة الثلاثية الموجودة حالياً كل اللي محتاجة تعمله إنها تجيب الإداري اللي ماسك السيستم بتاع الزمالك وفي حالة إن الراجل دا مش موجود أو مشي أو مش عارفين يستلمو السيستم منه يخاطبو فيفا رسمي بتغيير اسم المستخدم وكلمة السر ويدخلوا على السيستم وكل أسئلتهم حيلاقوا الإجابات عليها في المستندات المرفوعة على السيستم».
وتابع هيثم عرابي: «أولا: إمام عاشور انتقال دولي يعني أوراق الانتقال تم رفعها على TMS وبيانات الانتقال بالتفصيل ومقابل الانتقال وطريقة ومواعيد السداد بتكون موجودة ومعاهم العقد الموقع».
وأوضح مدير التعاقدات السابق في الأهلي: «النقطة الثانية من أول السنة دي الاتحاد الدولي استحدث منظومة اسمها FIFA CLearing House ودي دورها مراقبة التعاملات بين الأندية لضمان شفافية المعاملات المالية من خلال إلزام الأندية الشارية في الحالة دي (ميتلاند) إنه يبعت إثبات انه بعت الفلوس برقم الحساب الباعت منه لرقم الحساب للمتلقي (الزمالك) كل دا موجود على السيستم.
وأضاف هيثم عرابي: «الحل بسيط ياجماعة.. مسؤول الـ TMS في نادي الزمالك ينزل المستندات من على السيستم وحيكون متسجل فيه رقم حساب اللي تم التحويل ليه».
تعليقات